Full fart og fotballglede på TINE Fotballskule

Denne veka har STIL Fotball arrangert TINE Fotballskule, og i år var fotballskulen heilt fullteikna med heile 90 barn påmeldt. Frå tysdag til torsdag har bana vore fylt med aktivitet, smil, innsats og mykje fotballglede.

Tysdag og onsdag var det reine fotballøkter, der spelarane fekk prøve seg på ulike øvingar med ball, spel og aktivitet tilpassa alder og nivå. Målet med fotballskulen er først og fremst at barna skal ha det kjekt med fotball, oppleve meistring og bli endå tryggare både med ballen og saman med andre.

Torsdagen starta med Mesternes Mester, der gruppene fekk konkurrere i ulike utfordringar og øvingar. Det var 5 fotballrelaterte stasjonar med blant anna perspepsjon (overblikk/orientere seg), presisjon med pasning, skudd og lobb og en mental øvelse. Etter lunsj blei fotballskulen avslutta med ei stor VM-turnering, som skapte stort engasjement både på og utanfor bana.

Det har vore tre veldig kjekke dagar med flott innsats frå alle deltakarane. Vi håpar barna sit igjen med gode opplevingar, nye vennskap og endå meir fotballglede etter årets fotballskule.

Ein stor takk til alle barn som deltok og bidrog til å gjere dagane så fine. Takk også til foreldre og føresette for positiv støtte gjennom veka.

Vi vil rette ein ekstra stor takk til dei flinke instruktørane våre, som nok eit år stiller sporty opp som trenarar. Instruktørane har vore spelarar frå A-lag herrer, A-lag kvinner, Jenter 15/17 og Gutar 15/17. Dei har stått på og gjort sitt beste for å skape gode rammer for barna gjennom heile fotballskulen.

Tusen takk for årets TINE Fotballskule, vi gler oss allereie til neste år!