Feiande flott seier for Sandane 2

-Vi gjennomførte nøyaktig det vi har øvd på dei siste vekene, konstaterte trenar Torbjørn Gran etter solide 4-0 over Vikane/Loen.

Sandane 2 - Vikane/Loen 4-0 (2-0)

6. divisjon avd 2

Sandane Idrettspark

1-0 (23. min) Martin Sivertsen (assist: Torbjørn Gran)

2-0 (44. min) Egil Brekke

3-0 (60. min) Sverre Jarleson Løken (assist: Espen Fonn Sårheim)

4-0 (84. min) Martin Sivertsen (assist: Sverre Jarleson Løken)

Sandane:  Arne Nybø Gangeskar - Kalid Hakimi - Egil Brekke - Martin Sivertsen - Kyrre Vereide Kroken - Eirik Kaale - Bjarte Leite Kalvøy - Andreas Dyrrdal - William Landøy - Sverre Løken - Torbjørn Gran - Olav Barmen Trollebø - Isak Solheim - Espen Fonn Sårheim - Marius Moritsgård - Hussain Mohammedi. - Håvard Kjønås(!)

Vikane/Loen: Sniecinski Wojciech - Anders Sæten  - Sondre Heggdal Fivelstad -  Sondre Guddal Muri - Petter Heggdal  -Espen Haugen - Tord Bruland - Uskan Qitaku -  Marius Rauset 1- Asgeir H. Fivelstad - Wilhelm Bødal - Oskar Raftevold - Erik Sunde - Tony Haugen - Nicholas James Hawk - Jano Dujsi

Dommar: Muhamet Barlla, Eid IL

Gult kort: Torbjørn Gran, Khaled Hakimi, Bjarte Leite Kalvøy, alle Sandane 2. Tony Haugen, Espen Haugen og Wilhelm Bødal,  Vikane/Loen.

Kampen opna med fullstendig STIL-dominans, og det var fullt fortent då Martin Sivertsen nikka eit frispark frå Torbjørn Gran i mål etter 23 minutts spel. Sandane var klart førande i spel og Vikane/Loen hadde lite å by på.  Resultatet vart ein kamp med mange sjansar og nestensjansar for Sandane sin del. Vi noterte oss solid spel bak og framover på bana var det fin fart og tyngde. Det var først og fremst alle mann alle, med god innsats og vilje til samspel hos samtlege aktørar. 

Vikane/Loen hadde ein periode i første omgang der dei var noko betre med, men utan at det vart svært farleg heime hos Arne Nybø Gangeskar i STILs mål. 

2-0 til STIL kom like før pause, då lagkaptein Egil Brekke skaut nydeleg frå 20 meter. Ballen gjekk via stanga og i mål.  

Vikane/Loen forsvarte seg først og fremst godt. Dessverre kom gjestene seint inn i ein del taklingar, og det var tilløp til litt temperatur utover i kampen. Offensivt hadde dei gulkledde lite å by på denne tysdagskvelden. 

Frå sidelina merka vi oss ein intensivitet i Sandane sitt spel. Sjefen sjølv, Torbjørn Gran, leia an frå sin plass i midtforsvaret, og det var lite tvil om heimelaget sitt ønske om ein seier. Isak G. Solheim og Espen Fonn Sårheim spelte frå start og var gode på Sandane sitt midtfelt. William Landøy opna friskt, men vart knallhardt tatt i ei takling etter ti minutts spel, fekk ei vridning og måtte sjå resten av kampen med skadd ankel.

Sandane sette inn 3-0 eit kvarter ut i andre omgang. Det var Espen Fonn Sårheim som gjorde jobben på høgre kant. Innlegget hans vart flikka elegant vidare i mål av Sverre Jarleson Løken. 

Martin Sivertsen var tilbake i blå drakt, og såg ut til å trivast godt med det. Han var frampå også i andre omgang og gjorde som i første: nikka eit frispark pent i hjørnet, denne gongen var det Sverre Jarleson Løken som var assistent.

Like før slutt var det nære på at ein pressa Vikane/Loen-forsvarar sette ballen i eige nett, men eit tigerbyks i retning eige nett frå Vikane/Loens for øvrig gode keeper, Sniecinski Wojiech, redda situasjonen. 

Trenar Torbjørn Gran var svært nøgd med sine elevar etter fire mål og tre fortente poeng. -Vi har jobba med angrepsspelet vårt dei siste vekene. Vi har skapt for lite framover, men i dag var det flott å sjå korleis gutane gjennomførte det vi har avtalt, uttala ein nøgd Gran etter kampen. Han gir også honnør til dei Isak Gangeskar Solheim, Espen Fonn Sårheim og Martin Sivertsen. - Det er klart det har betydning å få slike karar med.

Sandane 2s lagkaptein Håvard Kjønås fekk eit stygt kragebeinsbrot for 14 dagar sidan og er ute for resten av sesongen. Synd for vår sympatiske lagkaptein, som ikkje var snauare enn at han var på bana dei første 50 sekundane av kampen (!). Ein sterk symbolsk gest frå Håvard, som vi ønsker god betring.  

Ein feiande flott kamp av Sandane 2! Etterpå var det pizza og FIFA i klubbhuset.