Kjempetilbod for trenarar

No har du som trenar i STIL sjansen: eit fantastisk flott opplegg for den spesielt motiverte trenar vert no annonsert av fotballkretsen.

Prosjektet har fått namnet "Drømmetrenaren" og har som mål å utvikle og inspirere trenarar som skal kunne prege fotballen i Sogn og Fjordane i åra som kjem, inn mot spelarutvikling i klubb og krets. I Sandanefotballen er vi SVÆRT interesserte i å få med ein eller fleire trenarar i dette prosjektet.

Vi saksar frå fotballkretsen:

Målgruppe:
Me leitar etter dei mest dedikerte og ambisiøse trenarane i barne- og ungdomsfotballen i Sogn og Fjordane. Trenarane skal ha ei sterk indre drivkraft til å utvikle sin eigen kompetanse, og skal vere nysgjerrig på ny læring og erfaring. Forutan å utvikle seg sjølv, ønskjer me at dei skal vere ein ressursperson i sin klubb og sitt nærområde.

Me har sett ei øvre grense på 20 trenarar til dette prosjektet. Erfaring som trenar i barne –og ungdomsfotball, formell trenarutdanning og anna relevant utdanning vil danne grunnlaget for uttak til prosjektet. Kravet for utdanning er at ein har påbegynt UEFA C-lisens kurset.

Prosjektinnhald:

-       Samlingsbasert prosjekt over 5 samlingar, med moglegheit for studietur til Europa.

-       Dagsamlingar som i hovudsak er lagt til helg, og me skal bruke heile fylket som arena for samlingane.

-       Fastsette fagtema som er høgaktuelle inn mot trenarrolla og spelarutvikling.

-       Bruker eksterne fagpersonar som rettleiarar og føredragshaldarar på samlingane 

-       Kombinasjon av teori og praksis på feltet (hovudsak gjennom instruktørar)

Drømmetrenarprosjektet er av NFF godkjend som etterutdanningstiltak for dei som har UEFA B-lisens.

Eigenandel:  Kr.1 000,-

Påmeldingsfrist:
Ønskjer du å delta på dette prosjektet? Søknadsfrist torsdag 26.januar 2017.

Link til påmelding: https://fotball.formstack.com/forms/dr_mmetrenaren

Prosjektleiar:
Har du spørsmål, kontakt: Marius Torstrup Kloster – e-post: mar[email protected]