Serieleiaren imponerte.

Fjøra vann 4-0 over Sandane.

KAMPFAKTA:       

Sandane – Fjøra 0-4 (0-1)

4. divisjon

Idrettsparken

0-1      7 min Anders Hjeltnes (Steffen Olsen)

0-2    65 min Steffen Olsen (Ole Martin Bolset)

0-3    72 min Anders Hjeltnes (Steffen Olsen)

0-4    85 min Anders Hjeltnes (Håvard Lilletvedt)

(kampfakta er kvalitetssikra gjennom klipp og lim frå Fjøra si heimeside.)

Sandane:Simon Gimmestad, Vegard Krøvel Flatjord, Håkon Schjølberg, Martin Svarstad, Jon Vegard Byrkjedal, Isak Gangeskar Solheim, Jonas Denk, Ingebjørn Mundal, Sebastian Bujnicki, Magnus Nikolai Bolseth, Thomas Dyrrdal. På benken: Arne N. Gangeskar, Kristian Møll (for Magnus Bolseth frå 60. min), William Landøy (for Håkon Schjølberg frå 18. min), Tarjei Bjørkum Vereide (for Isak Gangeskar frå 82. min), Gudmund Bjotveit (for Ingebjørn Mundal frå 81. min).

Fjøra: Andreas Horvei, Ole Martin Bolseth, Torbjørn Ylvisåker, Erik Loftesnes, Per Eirik Lunde, Steffen Olsen, Mats Nondal, Gøran Wigum, Anders Lunde Hjeltnes, Arild Lunde Underdal, Sindre Rørvik. Benken: Brede Haukereid Fardal, Olve Øvstetun, Elias Saltnes. Knut Øystein Ripe, Håvard Thunes Lilletvedt, Victor Diogo Dos Santos Aguiar, Ole Morten Kvam.

Sandane har ikkje tapt for Fjøra på Idrettsplassen på svært mange sesongar, men i kveldens kamp var fjørene eit betydeleg hakk betre enn Sandane og vann fortent 4-0. Fjøra hadde fleire gode sjansar og kunne med større dyktigheit ha hatt ei større leiing enn 1-0 til pause.

I andre omgang var Sandane betre med, løp meir og duellerte betre. Vi la spesielt merke til Ingebjørn Mundal, men heile laget skal ha honnør for sitt spel. Likevel var hovudinntrykket at det var kvalitetsforskjell på laga. Fjøra framsto solide defensivt, fysisk sterke, velspelande og velorganiserte. Legg så til Anders Hjeltnes med tre flotte skåringar på topp, medan Sandane på si side skapte svært få sjansar i kampen.

På den positive sida må det understrekast at Sandane, med sentrale spelarar ute, jobba godt defensivt og gjorde jobben vanskeleg for Fjøra. Trass i fleire store sjansar til gjestene vart det med eitt mål før pause, og mykje av dette skuldast ein hardt arbeidande Sandaneforsvar.

I andre omgang gjekk Sandane ut med større kraft og heldt Fjøra meir tilbake enn tilfellet var i første omgang. Ein såg framleis kvalitetsforskjellen på laga, og det er vanskeleg å seie at det var ufortent at Fjøra fekk 2-0 ved Steffen Olsen etter 20 minutts spel av omgangen.

Fjøra var eit velspelande lag som det var ein fryd å sjå i aksjon. Sandane skal ha for å aldri legge seg ned, men fjørene nekta heimelaget å skape noko særleg offensivt. Ass.trenar Espen Aagård slapp innpå tre gutespelarar i andre omgang, og det likar vi frå sidelina godt. Kristian Møll, Gudmund Bjotveit og Tarjei Bjørkum Vereide svekka ikkje laget med sine innhopp, og fekk tilliks med resten av laget ein fin smak på toppnivået i divisjonen. Både Møll og Bjotveit er fine midtbanetypar som ikkje engstar seg for å få ballen i beina og som viser fin ro i spelet sitt. Lovar godt for framtida!

Fjøra-trenar Håvard Hatle var naturleg nok godt nøgd etter 4-0 over Sandane. -Vi slepp ikkje Sandane til sjanser. Etter kvart får vi romma vi vil ha, og då kom også måla, seier ein smilande Hatle.

Ass.trenar hos Sandane, Espen Aagård, berømmar også Fjøra. -Dei er eit godt lag og gjennomførte ein solid kamp. Vi sto imot ei god stund, og vi hadde betre periodar innimellom. Men ein fullt fortent seier til Fjøra, slår Aagård fast.