Enivest IFO

ARBEIDARPARTIET

Forfatter: Svein Kristiansen

05. september 2015

Forside

AP er oppteken av førebygging og har eit vake auge for idrettens kår, seier Arbeidarpartiets ordførarkandidat i Gloppen, Arnar Kvernevik.

Kvernevik opplyser at Arbeidarpartiet nasjonalt har vedteke at det skal være gratis leige for born og ungdom i kommunale anlegg. Når det gjeld Trivselshagen er dette eit IKS som Gloppen kommune ikke rår over aleine. Gloppen AP kan i denne omgang garantere at vi vil stemme mot auke i bane og hall-leige for perioden 2015-2019. Eventuelle kutt i dagens leige må balanserast mot andre velferdsoppgåver. Gloppen AP vil generelt arbeide for å auke driftstilskota til lag og organisasjoner i Gloppen, seier Kvernevik.

Som supplement til STIL sine spørsmål til politikarane ynskjer Kvernevik å peike på kva som er Arbeiderpartiet sitt program for perioden 2013-2017 når det gjeld idrett og aktivitet for alle.

Arbeidarpartiet vil:

Gjennomføre ei brei satsing på folkehelse og fysisk aktivitet i samarbeid med idretten og friluftsorganisasjonane.
Følgje opp endringa i tippenøkkelen slik at idretten og det lokale frivillige kulturlivet får ein større del av overskotet frå Norsk Tipping.
Byggje fleire idrettsanlegg, særleg innanfor pressområde, befolkningstette område og storbyar.
Arbeide for at lån av offentlege anlegg og skular til idrettsaktivitetar for barn og ungdom under 18 år i størst mogleg grad skal vere gratis.
Leggje til rette for at frivillige innanfor idretten får støtte til å utvikle eigen kompetanse og leiareigenskapar.
Stø og oppfordre lag og organisasjonar til å inkludere minoritetar.
Stø utvikling av mangfald i toppidretten og motverke at berre marknadskrefter blir styrande for driftsgrunnlaget.
Stimulere til vidareutvikling av toppidrettens prestasjonskultur og verdiar.

Arbeidarpartiet i Gloppen har i kommunestyre og utval teke klart standpunkt for idrettssaker i siste periode. Les td representanten Peter Holvik sitt innlegg i debatten om fotballhall i Sandane Idrettspark lengst nede i artikkelen.

Og her er Arbeidarpartiet sine svar på våre spørsmål:

Vil du i løpet av valperioden …	H	U	B
… aktivt sikre areal til idrett, anlegg og fysisk aktivitet?	X
… sørge for at allereie eksisterande anlegg får driftstilskot og tilstrekkeleg vedlikehald?	X
… å legge til rette for spleiselag mellom sektorar for å få fleire anlegg?		X
… å sørge for at prioriterte anlegg vert realisert?	X
… støtte ei oppgradering/opprusting av Idrettsplassen på Sandane?	X
… å sørge for gratis trening for alle barn og ungdom i alle kommunale anlegg?	X*
… gje idrettslaga i kommunen aktivitetsstøtte?	X
… sørge for at kommunen formaliserer samarbeidet med idrettsrådet gjennom ein avtale?	X
… sørge for at Gloppen kommune inngår ein avtale med STIL om drifta av Idrettsparken?	X
… gå inn for auka fysisk aktivitet i skulekvardagen?	X
… sette meir fysisk aktivitet på timeplanen?	X
… sørge for at skulane har kompetent personell i kroppsøving og til å tilrettelegge for meir fysisk aktivitet?	X
… at idrettslag som bidreg inn mot skulen eller SFO vert kompensert økonomisk?	X
	Ja	Veit ikkje	Nei

*Arbeidarpartiet nasjonalt har vedteke at det skal være gratis leige for born og ungdom i kommunale anlegg. Når det gjeld Trivselshagen er dette eit IKS som Gloppen kommune ikke rår over aleine. Gloppen AP kan i denne omgang garantere at vi vil stemme mot auke i bane og hall-leige for perioden 2015-2019. Eventuelle kutt i dagens leige må balanserast mot andre velferdsoppgåver. Gloppen AP vil generelt arbeide for å auke driftstilskota til lag og organisasjoner i Gloppen.

Frå STIL si heimeside 16.12.2013:

Arbeidarpartiet med heilhjarta støtte - Peter Lothes innlegg i debatten:

Gloppen kommune skal i dag behandle og godkjenne Kommunedelplan for idrett, fysisk aktivitet og friluftsliv 2014 – 2017.

Planen har lege ute på høyring og det har kome inn merknader; -eg vil her kommentere merknaden frå STIL-fotball, der dei ber om at setninga under punkt 5.1.2. om mogeleg bygging av 7-arbane og innandørs treningshall med kunstgras på Myklebustflata vert teken inn att i planen.

På kort sikt vil dette bety at STIL er kvalifisert til å søkje om spelemidler, som dei ikkje vil vere om dette utelatast; -på lengre sikt vil det gje forutsetning for utvikling av ein komplett Idrettspark.

STIL var frå starten med i planlegging av storhall ved Firdahallen ved å melde inn sine behov. Planen starta med kunstgras i heile hallen, så kunstgras i deler av hallen og resultatet vart utan kunstgras i det heile. STIL-fotball melde inn tidleg i prosessen at ved denne løysinga vart ikkje deira behov stetta og laget ville då sjølve bygge kunstgrasbane på Myklebustflata. Det skjedde. STIL, som eig Myklbustflata, har seinare bygt garderobebygg, starta utviklinga av aktivitetspark med ulike nærmiljøanlegg, og er no i gong med bygging av ei 5-arbane i sørvestenden av flata. I denne prosessen har Gloppen kommune vore ein god og viktig støttespelar.

Det STIL no ber kommunen om er vidare samarbeid for laget sine planer om bygging av 7-arbane og treningshall med kunstgras på det området som i dag er bandlagt av fylket si fornminneavdeling. STIL poengterer at laget vil ta på seg alle kostnader ved ei slik utbygging; -også kostnaden av arkeologisk utgraving.

Rådmannen har i si saksutgreining valt å ikkje å støtte STIL på dette punktet ved å utelate setninga som omhandlar evt ny hall med kunstgras på Myklebustflata. Argumenta er at fotballen sine behov er stetta med eksisterande anlegg og ny storhall ved Firdahallen, og at framtida til det bandlagde området ikkje er med i denne planen.

Til det kan seiast at STIL har signalisert at dei vil bruke den nye storhallen så mykje dei kan, td. til barneturneringar, men til trening vinterstid må dei etter dagens krav ha tilgong på hall med kunstgrasdekke. Eg ser ingen grunn til å tvile på at STIL sitt syn på dette er reelt og godt fundert.

Når det gjeld det bandlagde området så er det Fylket si kulturminneavdeling som endeleg avgjer om området kan frigjevast. Det Gloppen kommune kan gjere er å signalisere til fylket at ei frigjeving av området er ynskjeleg med bakgrunn i utvikling av nye aktivitetar. Dette kan kommunen i første omgong gjere ved å ta ordlyden om hall inn att i kommunedelplanen.

Ei eventuell utgraving av området kan iallefall gje tre resultat. 1. Dei funn som vert gjort er så betydelege at omådet vert varig verna. 2. Området vert utgrave, dokumentert, registrert og frigjeve. 3. Dei funn som vert gjort kan bevarast sjølv om STIL byggjer hall. Slike tilfeller har vi hatt her i kommunen før, td ved bustadbygging på kanten av Ulvesbakken, og på Vereideflata i samband med bygging av den nye vegen. Where there's a will, there's a way!

Som tidlegare sagt er det er Fylkeskommunen si kulturminneavdeling som har siste ord. Men gjer Gloppen kommune eit godt vedtak i dag, er forutsetnaden for at STIL og kommunen kan kome i konstruktiv dialog med fylket på plass.

Det vert ofte snakka om kor verdifullt dugnad og frivilleg arbeid er for innbyggarane i ein kommune. Engasjerte folk brukar si fritid til aktivitetar td. for barn og unge og det kostar kommunen ingenting. Og tilfellet her må vere eit stjerneeksempel i så måte, flinke folk med visjonar, planer og ikkje minst gjennomføringskraft i det dei set seg føre. Dette må kommunen støtte opp om!

Og på tross av kva enkelte meiner, ser eg det slik at den nye storhallen ved Firdahallen og utviklinga av eit komplett anlegg på Myklebustflata utfyller kvarandre, ikkje konkurrerer med kvarandre. Dette er bygging av anlegg for framtida og eg er sikker på at det etter kvart vert stor aktivitet både i storhallen og i Idrettsparken.

Arbeiderpartiet vil heilhjerta støtte framlegget frå Venstre om ordlyden i Kommunedelplan for idrett, punkt 5.1.2.

16.12.2013 23:00