Anita fekk Kretsens Blå Diplom!

Anita Mykland fekk laurdag kveld Kretsens Blå Diplom for lang og tru teneste for fotballsporten i Sogn og Fjordane.

Anita strålte som ei sol under festmiddagen på fotballkretstinget laurdag kveld, og stor var hennar overrasking då ho fekk honnør for sitt gode og langvarige arbeid for STIL. Geir Navarsete og Robert Endestad sto for utdelinga. 

Anita har vore ein trufast bidragsytar under STIL sine heimekampar i – hald deg fast – rundt 25 år. Vaflane er Anita sitt varemerke. Ho er ein positiv medhjelpar som har ein god kommentar til alle rundt seg i klubben. 

Det var ei stor stund for alle frå klubben då Anita fekk si utmerking. 

Vi gratulerer!