Haugen kneip poenga

Sandane 2 opna godt og tok leiinga mot Haugen. Men gjestene tok alle poenga, etter mange dødballmål.

Sandane 2 - Haugen 3-5 (1-3)

Sandane Idrettspark, kunstgras

1-0 (4. min) Tarjei B. Vereide

1-1 Kjetil Remme

1-2 Bjørnar Rolland

1-3 Muktar Ferej Yassin

1-4 (52. min) Kjetil Remme

2-4 (55. min) Olav Trollebø

3-4 (65. min)  Anders Silden

3-5 (90. min) Muktar Ferej Yassin

Dommar: 

Sureskumar Kathivarel,  Eid IL

Gule kort Sandane: Øystein Fure og Leander Seime.

Sandane 2: 
1 Arne Nybø Gangeskar Keeper 
2 Kalid Hakimi Forsvar 
4 Håkon Schølberg Forsvar 
5 Jonas Sevilhaug Larsen Forsvar 
14 Torbjørn Teigen Gran Forsvar 
15 Olav Trollebø Forsvar 
17 Anders Kleppe Silden Forsvar 
20 Leander Myklebust Seime Forsvar 
24 Marius Moritsgård Forsvar 
7 Bjarte Leite Kalvøy Midtbane 
8 Andreas Dyrrdal Midtbane 
9 William Landøy Midtbane 
16 Øystein Tennebø Fure Midtbane 
21 Hussain Mohammadi Midtbane 
22 Simon Dahlby Midtbane 
6 Tarjei Bjørkum Vereide Angrep 
10 Håvard Kjønås Angrep (kaptein) K 

Det sto 3-1 til pause, og då i Haugen sin favør. Tarjei Bjørkum Vereide laga Sandane 2 sitt mål alt etter fire minutts spel. Same mann hadde ein stor sjanse like før pause, men fekk ikkje treff på  innlegget som han mottok. Haugen hadde fleire store målsjansar, men solid målvaktsspel av Arne Nybø Gangeskar hindra fleire baklengs. Sandane 2 på si side strevde litt meir med å kome til avslutningar. Anders Silden hadde to skotforsøk som sette målvakt Magnus Gilleshammer på prøve.

Sandane tok over meir av spelet i 2. omgang, og kom nærare og nærare Haugen sitt mål. Gjestene var imidlertid heile tida farlege på kontringar, og spelte seg til kampen største sjansar også i andre omgang. Ei redusering hadde gjort mykje for kamputviklinga, men det vart i staden Haugen som kunne gå opp til 4-1. Etter corner. Dødball. Seier ikkje meir.

Sandane 2 skal ha honnør for at dei heldt fram med sitt spel, og vi merka oss fleire gode raid langs venstre flanke. Men det var gjennom midten reduseringa skulle kome. Olav Trollebø avslutta med eit skot frå ca 16 meter.

Sandane 2 heldt fram med eit spelemessig overtak. Då Anders Silden sette eit frispark nydeleg mål frå 18 meter, var det optimisme i den blå leiren. Sandane 2 pressa på for utlikning, men slitne bein og hovud gjorde nok sitt til at det avgjerande stinget uteblei. I staden kunne Haugen trille ball i sitt siste angrep, og dermed 3-5 som sluttresultat.

Fortent seier til Haugen, i ein elles jamspela kamp, dei visste best kvar målet sto. Mange fine raid av kjapp mann på venstre kant, medan Sandane 2 hadde sin aller beste i sisteskanse Arne Nybø Gangeskar. Fire mål i mot etter corner - vi skal ikkje gni det inn, men her er forbetringspotensiale, karar. Spelemessig varierer det litt for mykje, men her er mykje bra å ta med seg inn mot dei komande kampane.

Gledeleg gjensyn med Håkon Schjølberg, som var tilbake på fotballbana etter langvarig skade: positivt.