Sandane 2 er klar for 2026!

Sandane 2 går inn i sesongen 2026 med eit sterkt og samkøyrt trenarteam på plass. Kontinuitet blir vidareført når Mads Wie held fram som hovudtrenar – ein rolle han har gjort seg fortent til gjennom solid arbeid over tid.

Med seg på laget får han eit særs gledeleg tilskot i Ruben Wie, ein ekte STIL-legende, som no tek steget inn i rolla som assistenttrenar. Ruben bringer med seg både erfaring, klubbkultur og eit sterkt engasjement for utviklinga av laget – noko som betyr mykje for både spelarar og klubb.

Som lagleiar har teamet også fått med seg Andreas Vereide, som skal bidra til struktur, flyt og kvardagslogistikk rundt laget.

Med dette trenarteamet ligg alt til rette for ein spennande sesong for Sandane 2, der både utvikling, prestasjon og klubbidentitet står i sentrum.