Sandane - Dale 1-3 (0-2)

Dale hadde fordelen av å spele 11 mot 10 i nær 80 minutt av kampen, skåra på sine sjansar, og tok alle poenga mot eit Sandanelag som hadde fortent eit poeng etter godt spel og god innsats.

Sandane - Dale 

4. divisjon

Idrettsplassen

0-1 (12. min) Jan-Anders Tonning Wichstrøm (str)

0-2 (37. min) Tommy Holm

1-2  (49. min)Thomas Dyrrdal 

1-3 (80. min) Kennet Vik

Gule kort: Frank Vik og Martin R. Tonning, Dale. Petja Cink og Magnus N. Bolseth, Sandane. 

Raudt kort: Håkon Schjølberg (12. min), Kennet Vik (88. min).

Sandane: Arne Nybø Gangeskar, Torbjørn Gran, Håkon Schjølberg, Martin Svarstad, Anders Kleppe Silden, Petja Cink, Eirik Rauset, Sebastian Haugen, Arne Morten Vilnes Øen, Anders Frøyen, Thomas Dyrrdal. Innbyttarar: Almar Eli Færseth, Kristian Møll, William Landøy, Magnus Nikolai Bolseth, Tarjei Bjørkum Vereide, Ruben Elvebakk Nesdal, Gudmund Bjotveit. 

Dale: Gard Felde, Roy Andre Ness, Kim Frode Solheim, Martin R. Tonning, Bendik Vik, Kristoffer Rogne, Einar Aase, Jan-Anders Tonning Wichstrøm, Lasse Birkeland, Tommy Andre Holm, Frank Vik. Innbyttarar: Marcel Scheuer, Geir Loneland, Roman Eriksen, Trym Helle, Kennet Vik.

Det vil seg ikkje heilt for Sandane denne sesongen. Men skal ein dømme etter det som skjedde på Idrettsplassen har laget no teke samling og det vil garantert bli poeng etter kvart, om denne innsatsen held fram. Det kunne fort blitt poeng også mot Dale. Men marginane er ikkje heilt på STIL si side. Håkon Schjølberg fekk marsjordre då han som sisteforsvarar felte ein Dalespelar. Straffa sette Wickstrøm pent i mål, og dermed var det fordel Dale etter 12 minutts spel. Dette var Dale si første avslutning på mål i kampen, medan Sandane alt hadde hatt fleire gode oppløp. 

Og STIL skulle halde fram med godt spel. Det var i liten grad råd å få auge på gjestene hadde fordelen av ein spelar meir på bana. Dale spela seg til to sjansar til i første omgang, og skåra på den eine. På motsett side av bana skapte STIL gode sjansar, men anten det er tale om timing, flaks og/eller dyktigheit  - det ville seg ikkje heilt. 

Det låg eit STIL-mål i lufta før pause, men publikum måtte vente til det 49. minutt før Thomas Dyrrdal sette ballen i mål bak ein god Dalekeeper. Då hadde Eirik Rauset først forsøkt seg med eit skot, som gav retur. 

Sandane kunne like gjerne utlikna, men det vart Frank Vik som netta for Dale 10 minutt før slutt, på ein glimrande skotprestasjon frå litt skrått hald. 

Det som gledde mest i dag var ein løpsvilje og duellvilje hos heimelaget, som trass i ufordelen med å vere ein mann mindre, gjorde at STIL i lengre periodar var det førande laget. 

Livereferat:

Dale ligg med sine 7 poeng på 8. plass på tabellen etter fem serieomgangar. Sandane har kun ein seier (borte mot Kaupanger) så langt i serien. 

Dommar i dagens kamp er Asbjørn Håre, Fjøra FK. Assistentdommar er Abdinazir Abdi, Eid IL og Olav Næss, Stryn T & IL.

2 min: Sandane med kampens første avslutning. Sebastian Haugen nikkar mot mål, men i armane til målvakt Gard Felde. 

3 min: Gode Sandanetendensar. God fart nedover høgresida og innlegg som Daleforsvaret klarerer i første omgang. 

3 min: Stor Sandanesjanse! Eirik Rauset er fint plassert framfor mål, er upressa og får nikke velplassert mot høgre hjørne. Felde er på plass og reddar. 

12 min: STRAFFE Dale. Håkon Schjølberg feller Dales angripar, og får raudt kort. Wichstrøm set straffa sikkert i mål. 

12 min: MÅL DALE (0-1) Jan Anders Tonning Wichstrøm. 

Sandane blir knallhardt straffa. STILs målvakt nøler med å rykke ut og Schjølberg blir syndebukken då han set inn taklinga. 

13. min: Thomas Dyrrdal blir frispelt og får avslutte frå skrått hald. Keeper Felde får ei hand på ballen og gjev corner. I den påfølgande ballvekslinga legg Sebastian Haugen inn mot bakerste, der er ein i blått like ved å utlikne for STIL 

25. min: Dale med meir av banespelet. Sandane er svært upresise når ballen skal spelast framover. 

28. min: Sandane prøver seg framover. Corner. Blir tatt kort: Petja Cink dreg seg fri og skyt frå 15 meter. Keeper Felde reddar. 

30. min Sandane med eit visst press, men kjem seg ikkje til avslutning. I staden er det rask og lang ball retning Tommy Holm, som pressar fram ein corner til Dale. Det blir ingen ting utav den corneren. 

32. min: Sandanespelarar i kø for å ekspedere Anders Frøyen sitt innlegg i mål. Ingen får avslutta!

35. min: Sandane med fart og initiativ framover. Frøyen igjen. Innlegg som blir nikka vidare. Sandane kjem ikkje til avslutning, men beheld ballen. 

37. min: MÅL DALE (0-2) Tommy Holm. Sandane sitt høge press straffar seg. Det glepp i sikringa bak og ein lang ball til Holm er alt som skal til. Kjem åleine mot Gangeskar og nettar sikkert. 

38. min: Sandane rett i angrep. Petja Cink skjer inn mot mål og får avslutte frå god posisjon. Felde reddar. 

44. min: Martin Svarstad spelar Thomas Dyrrdal fri, men avvinka for offside. 

PAUSE

Sandane har vore det mest spelande laget og har skapt meir enn nok sjansar til å redusere, trass i ein mann mindre på bana. I staden er det Dale som skårar på to av sine tre avslutningar på mål. 

Vi studerer også video-opptak av straffesituasjonen, og må dessverre konstatere at det ser ut som dommar Håre var vel streng. Håkon Schjølberg ser ut til å ha reint treff på ballen i taklinga si. 

Andre omgang er i gang. 

Dale med eit bytte: Roy Andre Ness UT, Geir Loneland INN

49. min: MÅL SANDANE Thomas Dyrrdal (1-2)

Fint Sandaneangrep langs høgre kant. Eirik Rauset avsluttar frå litt skrått hald, keeper Felde reddar, men Thomas Dyrrdal set returen sikkert i mål. 

55. min: Sandane med gode tendensar framover. Dyrrdal på ny avvinka for offside. Kampen er ikkje avgjort. 

57. min: Corner Dale. Blir slått lågt, Sebastian Haugen klarerer. 

61. min: Frispark Sandane. 25 meter. Ein Dalespelar, Frank Vik, ligg nede og det er stopp i spelet.  Kjem på beina igjen. Det er Thomas Dyrrdal som skal ta frisparket. Prøver skot, men til sides og over mål.

63. min: Sandanepress og avslutning ved Eirik Rauset. Over mål. 

65. min: Dale forsøker seg, innlegg inn i feltet. Arne Nybø Gangeskar er fint ute og tar seg av ballen. 

66 min: Bytte Sandane: Torbjørn Gran UT, William Landøy INN

71. min: Dyrrdal og Haugen på venstre kant. Haugen får ikkje treff på innlegget. 

72. min: Så er det Frøyen og Cink! Flott samspel. Frøyen sitt innlegg går tvers i feltet, stryk lengste stolpe. Stor Sandanesjanse. 

75. min: Dale med farlegheit i feltet. Arne Nybø Gangeskar får eit sikkert grep om ballen til slutt. 

76. min: Dale med innkast på Sandane sin halvdel. Langt inn i feltet inn til Arne Nybø Gangeskar. 

77. min: 100 prosent-sjanse til Dale! Nøling i STILs forsvar og ein dalespelar får avslutte på mål. Bommar. 

80. min: MÅL DALE (1-3) Frank Vik. Skyt frå skrått hald, ca 15 meter. Flott skot i lengste hjørne. 

85. min: Sandane gir seg ikkje. Petja Cink avsluttar frå 15 meter midt framfor mål. Skotet går over mål. 

88. min: Magnus N. Bolseth inn for Eirik Rauset. 

88. min: Lasse Birkeland UT, Roman Eriksen INN

88. min: RAUDT KORT Dale: Kennet Vik for felling bakfra. 

Vi er på overtid. 

Sandane forsøker seg, men presisjonen er ikkje på topp. 

Dale får frispark litt inne på Sandane sin halvdel. Det blir kanskje det siste angrepet i dag. 

Corner Dale. Dale ropar på straffe etter taklinga i feltet, men dommar Håre peikar på cornerflagget. Corneren boksar Arne Nybø Gangeskar fint ut. 

Det blir delt ut gule kort til Magnus N. Bolseth og Martin R. Tonning. 

Og der, etter 98 minutts spel, er det over. 

Dale har svært god grunn til å vere nøgde med 3 poeng. Svakt spel av gjestene i spel 11 mot 10 i nær 80 minutt. Heimelaget skapte flest sjansar kampen igjennom og hadde sine rikelege sjansar til å redusere. I det stykket var Dale imidlertid langt betre enn Sandane, og vinn derfor fortent. 

Totalt sett god dømming av dommar Asbjørn Håre, sjølv om vårt video-opptak av straffesituasjonen kanskje ville fått han til å revurdere utvisninga av Håkon Schjølberg og Dales straffe. Følg med i Sjurs fotogalleri.