Kan STIL utfordre Førde 2?

Førde 2 kjempar om tetplassen i divisjonen, og kjem til Idrettsplassen laurdag med eit sterkt mannskap.

Det nærmar seg sommarpausen for alle laga i 4. divisjon. Det gjenstår 3 kampar å spele, og Førde 2 er involvert i to av dei. Tysdag 30/6 møtest Dale og Førde 2, men alt i morgon, laurdag 27/6 skal Sandane og Førde 2 spele den utsette seriekampen frå andre serierunde.

Førde 2 satsar nok på å ta ferie på toppen av tabellen, noko ein seier på Idrettsplassen eller Dingemoen vil gje dei. Laget har vore botnsolide i år og har kun eitt tap på sine 9 første kampar (3-4 borte mot Høyang). I forrige serierunde vann Førde-laget 5-3 over opprykksrivalen Fjøra.

Sandane på si side har i to kampar no omsider funne tilbake til ein god fasong. Trass i skader på sentrale spelarar har Øyvind Hervik ein bra tropp som heilt sikkert er innstilte på å overraske laurdag. 3-0 over Skavøypoll på onsdag let seg absolutt høyre, og har nok gitt kveik og meirsmak. I sin nye formasjon har Sandane no spelt to kampar på rad dei kan vere bekjent av. Det vert skapt fleire sjansar enn før og vi noterer på plussida at laget har folk som finn vegen til mål. Jonas Denk (2), Thomas Dyrrdal, Martin Svarstad og Isak G. Solheim har stått for nettkjenningane, og Thomas Dyrrdal hadde vel 2,5 assist i 3-0-kampen mot Skavøypoll. 

Vi oppmodar publikum om å møte opp og støtte laget! Kampstart på Idrettsplassen laurdag 27/6 kl 1500. 

Gjenståande kampar: 

26/6 Høyang - TMFK

27/6 Sandane - Førde 2

30/6 Dale - Førde 2

Tabellen ser slik ut: