Leidulf testa skotfoten

Gode anlegg skaper aktivitet, sa ordførar Leidulf Gloppestad då han nyopna kunstgrasbana i Sandane Idrettspark fredag ettermiddag.
Han fekk æra av å sparke ballen til dei ventande fotballaga Sandane og Sogndal 3/Fjøra 2, som møttest til kamp i herranes 5. divisjon.

Ordføraren kunne opplyse publikum om 139 tonn sand som vart brukt i samband med renoveringa av bana, 43 tonn granulat og dei 830 millionane med grasstrå som bana består av. -Vi er blant dei kommunane som har desidert flest anlegg pr innbyggar, men samtidig også desidert flest innbyggarar pr anlegg, seier Gloppestad, som stilte sporty opp i tverrliggarkonkurransen i pausen.