Gro Pleym Iversen held fram som fotballeiar
Forfatter: Svein Kristiansen
13. mars 2022
Attvald med akklamasjon på årsmøtet.
Stabilitet pregar fotballgruppa i STIL. På årsmøtet 7. mars vart styreleiar Gro Pleym Iversen attvalt med akklamasjon.
Pleym Iversen tok over som fotballeiar i 2021, og ho har ikkje lege på latsida i året som har gått. Årsmøtet vart halde dagen etter eit vellukka KM futsal var avvikla på Sandane, eit arrangement som i stor grad hadde styreleiarens stempel på seg: nøyaktig førebuing og grundigheit i alle ledd og med auge for dei viktige detaljane.
Vi oppmodar alle om å lese den fyldige årsmeldinga til fotballgruppa, den gir ein smakebit av det som er gjennomført og det som foregår av spennande utviklingsarbeid i fotballgruppa for tida.
Slik ser 2022-styret i fotballgruppa ut:
| Leiar | Gro Pleym Iversen |
| Nestleiar | Svein Kristiansen |
| Leiar sportsleg utval | Ingmar Sægrov |
| Leiar økonominemnd | Kjartan Aa Berge |
| Leiar anleggsnemnd | Håvard Gimmestad |
| Leiar aldersbestemt fotball | Egil Brekke |
| Kvalitetsklubbansvarleg | Torill Fjellestad |
Det hadde ikkje lukkast valnemnda å finne kandidat til ein nyoppretta funksjon som Arrangementskoordinator.
Klubben i vårt hjerte:
