Trenarar og oppmenn vart debriefa

Fotballsesongen nærmar seg avslutning, og torsdag kveld var det tid for oppsummering og evaluering i Sandane Idrettspark.

Trenarkoordinator Torbjørn Gran leia forsamlinga, beståande av trenarar og oppmenn, gjennom eit program fylt av sentrale moment som vert vektlagt i aldersbestemtfotballen på Sandane. Utdanning, sentrale klubbverdiar, rolla til trenarkoordinator, hospiteringsordninga og kva ein skal vektlegge i kamp, var blant temaene.

 -Å tape ein kamp 0-1 er bedre læring for spelarane på bana enn å vinne kampen 10-0, sa Gran, som understreka at målet er å få til jambyrdige kampar. - I kampsituasjonen er det viktigast å ha fokus på prestasjon, ikkje resultat, sa STILs trenarkoordinator, som oppmoda trenarane om å dra nytte av kvarandre.