Sandane - Bremanger 3-2

Friskt oppgjer i Idrettsparken.

Sandane - Bremanger 3-2 (1-2)

Treningskamp

Sandane Idrettspark

1-0 (7. min) William Landøy

1-2 (12. min) Martin Senneset

1-2 (13. min) Martin Klakegg

2-2 (58. min) Anders Frøyen

3-2 (77. min) Erlend Ødven Laurhammer (str)

Dommar: Stein Otto Førde, Breimsbygda

Sandane: Simon Gimmestad, Espen Reed Lothe, Eirik Rauset, Magnus N. Bolseth (Aron Skogli frå 63. min), Ruben E. Nesdal, William Landøy, Gudmund Bjotveit, Erlend Ø. Laurhammer, Arne Morten V. Øen (Kristoffer Hjelle frå 77. min), Anders Frøyen, Abraham Johnny (Håvard Hauge frå 72. min).

Sandane opna kampen ambisiøst med høgt press og stor løpsvilje. Det gav resultat i form av stor spelemessig dominans, og det var fortent då heimelaget fekk ei tidleg leiing ved William Landøy. Han møtte ballen presist etter eit flott innlegg frå Arne Morten Vilnes Øen. Bremanger hadde lite å by på innleiingsvis, men i løpet av eitt minutt sto det likevel 2-1 til gjestene, etter at oppskrifta med lange ballar i bakrom heilt overrumpla eit feilplassert STIL-forsvar. 

Sandane hadde eit spelemessig overtak, men Bremanger kom betre med mot slutten av første omgang. Like før pause fekk Bremanger tildelt eit noko billeg straffespark. Det harde skotet vart imidlertid glimrande redda av målvakt Simon Gimmestad. 

Andre omgang starta som den første, med eit markert overtak for Sandane. Det vart utlikning då Arne Morten Øen drog seg fri på 20 meter. Eit godt skot vart flikka vidare av Anders Frøyen. 

Kampen vart avgjort då Sandane vart tildelt eit svært billeg straffespark. Erlend Ødven Laurhammer var sikker frå straffemerket. 

4. divisjonslaget Bremanger såg ikkje ut til å like kamputviklinga, og anført av ein sentral Tore Rylandsholm pressa dei på for utlikning. Rylandsholm var svært nære då han frå god posisjon sette ballen i stolpen. Det var likevel Sandane som dominerte banespelet og alt i alt må det seiast å vere ein svært fortent seier. Vi merkar oss at STIL har eit jamt og godt mannskap utan svake punkt. Laget verkar å ha ein plan i det dei gjer ute på bana, og vi håpar mannskapet held trykket oppe i treningsarbeidet fram mot seriestart. Ein svært god februarkamp av STIL.