Det blir ein spennande haust

Etter å ha fått pusta ut etter dei flotte prestasjonane i Norway Cup, er det tid for å konsentrere seg om våre lokale seriar.

Medan Sandane sitt damelag startar opp med heimekamp mot Stryn torsdag 16. august, skal våre beste menn i elden allereie søndag. Turen går til Førde, der Førde 2 nok har planar om å by STIL kamp om poenga. Sandane vann 5-1 i våroppgjeret, men det skal seiast at Førde 2 ikkje på nokon måte var nøgd med eiga uttelling i den kampen. 

Målsettinga for Sandane er å klore seg fast til opprykksplassen, noko mannskapet vårt er godt nok til å klare. Ein peikepinn på kvar vi står vil vi få alt søndag, og i løpet av dei følgande vekene vert det viktige kampar mot tabellnaboane Selje og Høyang. 

Vi ønsker lukke til i Førde!