Sigrid Heien Hansen deltar på jentefotballhelga

Sandane Fotball inviterer til jentefotballhelga 13-15 mai.

Tekst: Ingmar Sægrov Foto: NFF

Helga er meint for trenarar, lagleiarar og spelarar i STIL. Klubben har tidlegare gjennomført reine jentefotballdagar, men deretter utvida det til helger.

Grunna ein del seriekampar blir det mest fagleg påfyll laurdag 14 mai, men så håper vi på godt oppmøte på kunstgrasbana når det er kampar både fredag, laurdag og søndag.

Arrangementet vil som tidligere år legge vekt på å bygge opp om tryggheit, glede og motivasjon i jentefotballen.

Vi er svært glade for at Sigrid Heien Hansen vil bidra på årets arrangement. Sandane-jenta som vi kjenner så godt, måtte legge opp som aktiv fotballspelar hausten 2021. Ho kan sjå tilbake på ei innhaldsrik karriere med både oppturar og nedturar, og har dermed ei solid erfaring i sekken. I Toppserien spelte ho for Arna-Bjørnar, Kolbotn og avslutta som seriemester og norgesmester i Vålerenga.

No er Sigrid utviklingsansvarleg i Kolbotn, fotballtrenar for Wang U, kretslagstrenar for J2008 og fotballekspert i TV2. Sigrid vil holde både ei praktisk økt og eit foredrag denne helga. Det blir spennande å høyre kva erfaringar ho har fått opp gjennom karriera, og foredraget blir garantert lærerikt både for spelarar og lagsapparat. Sigrid sitt foredrag har fått namnet: Du må tørre å feile for å lykkast. Eit spennande tema og ho vil også prate ein del om trenarrolla.

Sett av Laurdag 14 mai i kalenderen!

Meir informasjon om helga kjem seinare. Les: Program jentefotballhelga.