Kunstgrasbana fekk djuprens

Sandane Idrettspark fekk sist fredag nødvendig pleie: Rensing av kunstgrasbana har stått på timeplanen ei stund og no var tida inne for ein skikkeleg djuprens.

Baneeigar Gloppen kommune har sikra seg spisskompetanse for arbeidet: Egil Ekrehagen har meir enn 15 års erfaring med vedlikehald og stell av kunstgrasbaner i Oslo og Bærum. Det er NFF Sogn og Fjordane som har engasjert Ekrehagen, og organisert reiseplanen i fylket vårt.

Fredag var turen komen til Sandane og kunstgrasbana i Idrettsparken. Ekrehagen gav bana vår grundig behandling. Skitt, avfall og lause fiber vart sugd opp og fjerna. -Det er heilt avgjerande at bana er tørr, og vi hadde flaks, seier Ekrehagen. Kunstgrasbana var fuktig då han skulle starte arbeidet fredag morgon. Men med godt utstyr og hjelp av sola som meldte seg tidleg på føremiddagen vart bana tørr og rensearbeidet kunne gjennomførast.

Bilder: Håvard Gimmestad