Sandane med avansement i NM i efotball

For første gang har Sandane lag som deltek i NM i efotball. Dei innleiande rundene er godt i gang og Sandane eFotball 1 har sikra seg avansement vidare i NM. Sandane eFotball 2 skal ut i avgjerande spel mot Øygarden komande måndag.

Av: Ingmar Sægrov

Sandane ønskjer å gi eit breiare fotballtilbod i framtida og 3 november arrangerte klubben for første gang eit klubbmeisterskap i esport, der finalelaga skulle gå vidare til KM. Sidan det var varierande påmelding i kretsane rundt om i landet, blei turneringsoppsettet endra slik at laga gjekk direkte inn i eit regionsmeisterskap.

Tre lag frå Sogn og Fjordane deltek i NM i efotball som blei sparka i gong 22 november. Sandane stiller med to lag, medan Eid stiller med eit lag.

Laga som er påmeldt er delt inn i regionane Vest, Nord, Midt, Sør og Øst. Laga frå Sunnmøre, Sogn og Fjordane og Hordaland spelar i region Vest.

Hallvard Bjotveit og Oliver Skinlo spelar for Sandane efotball1 , medan Sander Skogli og Tobias Fuglestrand spelar for Sandane eFotball 2.

I nokre grupper er det kun 3 lag med, noko som fører til walkover der det blir registrert tre kampar med resultatet 1-0.

Den siste innleiande runda går av stabelen måndag 6. desember. Dei to beste laga i kvar gruppe går vidare til sluttspelet laurdag 8. januar. Vi gratulerer Sandane eFotball1 og Eid med avansement, og så heiar vi på Sandane eFotball 2 i i den siste runda der dei skal spele 3 kampar mot Øygarden FK.