Knipe tap i Sogn

Eit Sandanelag prega av skader og fråver av spelarar (handball) måtte sjå seg slått 2-1 i bortemøtet med Sogndal/Sogndal FK 2 fredag kveld.

Sogndal/Sogndal FK2 - Sandane 2-1 (0--0)

Mål Sandane: Berit Leirgul

Arkivbilde: Stig Høynes, Haugen Fotball

-Denne kampen kunne vi hala i land. Den første halvtimen sto det heile berre og venta på at nokon skulle ta tak i kampen. Sogndal hadde respekt for oss og eg var litt skuffa over at det sto 0-0 til pause, seier STIL-trenar Jan Asle Rustøen.

Sandanetrenaren har imidlertid ikkje vanskar med å erkjenne at Sogndal/Sogndal FK2 etter kvart vann ein fullt fortent seier. -Dei kjørte kampen og fekk dei avgjerande måla. Vi skapte ein del farlegheiter mot slutten, og hadde faktisk to store sjansar i tillegg til skåringa vår. Men sluttspurten kom dessverre for seint, seier Rustøen, som personleg synest det var synd at STIL ikkje halte seieren i land. -Då hadde alt vore avgjort i kampen med Førde om topplassering i divisjonen.

Rustøen håpar å ha mest mogeleg intakt spelarstall tilgjengeleg innan fredag førstkomande: då er det seriefinale mot Førde, og vinnaren av vårsesongen skal kårast.

-Vi håpar på god publikumstøtte!