Sandane 2 - Oppstryn 3-4

Det svinga friskt då Sandane 2 tok imot Oppstryn til kamp i Sandane Idrettspark.

Sandane 2 - Oppstryn 3-4 (2-3)

6. divisjon

Sandane Idrettspark

0-1 (3. min) Lars Guddal

0-2 (22. min) Andreas Frøholm

0-3 (41. min) Lars Guddal

1-3 (44. min) Sverre Løken

2-3 (44. min) Sverre Løken (str)

3-3 (54. min) Sverre Løken

3-4 (83. min) Kevin Gascogne

Sandane: Arne Nybø Gangeskar, Kristian Møll, Sander Elvebakk Nesdal, Torbjørn Teigen Gran, Marius Moritsgård, Øyvind Løkke Vie, Egil Brekke, Bjarte Leite Kalvøy, Andreas Dyrrdal, Isak Gangeskar Solheim, Ole Kristian Evebø, William Landøy, Tarjei Bjørkum Vereide, Sverre Løken, Sebastian Haugen, Ruben Elvebakk Nesdal. 

Oppstryn: Olav Matias Flo, Håvard Sæterlid, Leif Ståle Skår, Kenneth Aaland, Kristian Andresen, Kevin Gascogne, Magnus Guddal, Terje Guddal, Andreas Frøholm, Ole Kristian Espe, Hekmatolla Nourzehi, Anton Øverberg, Lars guddal, Andreas Berge.

La oss begynne med det positive: Sandane 2 gav aldri opp, trass i ein svak start med eit tidleg mål i mot. Evigunge Lars Guddal skåra alt etter tre minutts spel. Det sto 2-0 på dagens flottaste prestasjon: Anders Frøholms skot frå over 30 meters hald før Sandane 2 begynte å kome til større sjansar. Etter vel ein halvtime var Sverre Løken åleine med keeper Flo, men den gode Oppstrynkeeperen let seg ikkje overliste. Nokre minutt etter kom William Landøy nydeleg fram og la inn til Tarjei B. Vereide, som kom på eit fint løp. Dessverre fauk ballen over mål frå 3 meters hald. 

Ein kalddusj derfor, då Lars Guddal auka Oppstryn si leiing til 3-0 etter ei kontring. 

Så var det Sverre Løken og Sandane 2 sin tur. 1-3 kom då Landøy tok eit raid nedover høgrekanten og fekk lagt inn framfor mål. Der venta Løken. I neste angrep var det Løken igjen. Han mottok ballen frå Tarjei B. Vereide og blei felt. Straffesparket sette Løken sjølv i mål. 

Andre omgang opna med eit stolpeskot frå Oppstryn. Men det var Sandane som skåra. Utlikninga til 3-3 kom då Sverre Løken slo ein corner høgt inn - via keeper og i mål. 

Sandane 2 heldt fram med å spele bra fotball, men det dabba gradvis litt av. Feilpasningane vart fleire, hos begge lag. Og det skulle vise seg at Oppstryn hadde ein Gascogne i ermet: Med sju minutt igjen å spele kunne han lobbe ballen pent i mål til det som skulle vise seg å bli det avgjerande målet i kampen. 

Positivt for Sandane: Marius Moritsgård storspelte i midtforsvaret. Debutant Sander Elvebakk Nesdal leverte ein stor kamp på backplass, med kloke involveringar, vakent, roleg og kontant spel. Eit pluss også til Tarjei Bjørkum Vereide, som kom inn og straks sette sitt preg på kampbiletet.