Dramatikk i Bremanger

Bremanger avgjorde kampen mot Sandane med eitt mål like før slutt. (Sida er oppdatert)

Bremanger - Sandane 1-0 (0-0)

4. divisjon

Bremanger stadion

Gule kort: Gøran Larsen, Bremanger. Jon V. Byrkjedal, Sandane. 

Bremanger sitt lag:Mathias Hauge, Vidar Senneset, Håvard Redal Mjølkeråe, Jan Rune Nigardsøy, Espen F Frøyen, Tore Førde Rylandsholm, Espen Rosø, Simen Hamre, Gøran Larsen, Eirik Rylandsholm, Martin K Hauge. Reservar: Kristoffer Lågeide, Torbjørn Førde, Mathias Hammersland, Roy Atle Igland, Walter Jr Høivik.

Sandane sitt lag: Simon Gimmestad, Anders Silden (Gudmund Bjotveit frå 1. minutt) (Ingebjørn Mundal), Magnus N. Bolseth (Espen Reed Loteh), Martin Svarstad, William Landøy, Eirik Rauset, Jon Vegard Byrkjedal, Arne Morten Vilnes Øen, Jonas Denk, Petja Cink, Anders Frøyen. Benken: Arne Nybø Gangeskar, Gudmund Bjotveit, Espen Reed Lothe, Ruben Elvebakk Nesdal, Ingebjørn Mundal.

Sandane spelte jamt med Bremanger, som vann kampen på duellstyrke og ein omdiskutert situasjon der BIL scora kampens einaste mål fem minutt før slutt.  Svært mange, inkludert mange som håpa på Bremangerpoeng, såg det som dommartrioen ikkje fekk med seg: BILs spelar var ved høvet fleire meter offside. 

Elles kan vi melde om ein jamspela kamp der Bremanger hadde fleire gode sjansar tidleg i andre omgang. Sandane kom også til sjansar, men klarte ikkje å skåre, heller ikkje når ein var åleine med keeper. 

Sandane spelte kampen med eit nykomponert midtstopparpar. Martin Svarstad fekk selskap av Magnus N. Bolseth, og sistnemnde kom svært godt frå kampen, Han hadde mange gode involveringar, og var sikker i viktige situasjonar. Martin Svarstad opna litt frynsete, men spelte seg snart inn i kapen og var solid. Framover på bana noterte vi oss Arne Morten Vilnes Øen sin duellstyrke, knapt ein duell vart tapt. Petja Cink var Sandanes kanskje beste duellspelar og spelte 90 minutt med sjølvoppofrande, aldri sviktande vilje til å bidra. Han er på kort tid blitt ein nøkkelspelar for Sandane. STILs bestemann er Simon Gimmestad, matchvinnarredningar er hans varemerke. 

Når ein ser bort frå det kjipe med at kampen vert avgjort ved ein pussig situasjon, er det liten tvil om at Bremanger i andre omgang spela seg til flest gode sjansar. Sandane på si side hadde også sjansar til å skåre mål, og nærast var Anders Frøyen, blant anna med ein ball i tverrliggar. 

Kampen var viktig for begge lag, og vi må berre gratulere Bremanger med ein sterk duellkamp der poenga til slutt havna hos dei. Hovudårsaka til seieren er å finne i ein ubendig vilje der både andre og tredjeball i stor grad havna hos ein mann i raudt. 

Les vår liveoppdatering her.