Anita fekk medalje

Anita Mykland fekk fredag 4. februar Norges Vels medalje for lang og tru teneste på Gloppen hotell og for sine bidrag i Sandane-samfunnet elles.

Bilete: Firda Tidend

Mange hjarte banka litt ekstra i dag då Anita Mykland under ei tilstelling på Gloppen hotell fekk fekk utdelt Norges Vel sin medalje for lang og tru teneste.

Anita har arbeidd som reinhaldar på rom, fellesareal og med ulike ansvarsområde på Gloppen Hotell i over 31 år. Med ordførar, hotellfamilien, arbeidsgjevar og media til stades vart det ei spesiell stund då Anita fekk vel fortent heider i form av Norges Vels medalje.

Firda Tidend dekka hendinga og Preben Moens gode ord til Anita er svært rørande lesnad.

Anita Mykland er godt kjent blant alle STIL-venner. Ho har steikt vaflar under herrelagets A-lagskampar i mange, mange år. I 2015 fekk ho Sogn og Fjordane fotballkrets sitt Blå Diplom for sin innsats for STIL. Anita er eit hjartevarmt, omtenksomt og påliteleg menneske som gjer kvardagen litt rikare for alle som omgåast henne. Gratulerer med utmerkinga!