STIL knuste Skavøypoll

Ein sterk andreomgang avgjorde då Sandane fekk sin største seier over Skavøypoll gjennom tidene.

Kampfakta: 

4. divisjon

Idrettsplassen

Sandane - Skavøypoll 3-0

Mål: 

1-0 (47. min) Martin Svarstad

2-0 (54. min) Jonas Denk

3-0 (57. min) Isak G. Solheim

Dommar: Per Oddvar Lien, IL Høyang

Gult kort: Håkon Schjølberg, Sandane og Rune Solvang, Skavøypoll. Rødt kort: Sebastian Bujnicki, Sandane og Stian Åmelfot, Skavøypoll.

Sandane: Simon Gimmestad, Anders Kleppe Silden (Sebastian Bujniciki frå 64. min), Håkon Schjølberg, Martin Sivertsen, Espen Fonn Sårheim (Gudmund Bjotveit frå 83. min), Martin Svarstad, Erlend Ødven Laurhammer, Jonas Denk, Eirik Rauset (Jon Vegard Byrkjedal frå 76. min), Thomas Dyrrdal, Isak G. Solheim (Torbjørn Teigen Gran frå 69. min).

Skavøypoll: Yngve Furnes, Lars Nygård, Asle Eldevik, Børge Yndestad, Anders-Martin Hagen Kvalvåg, Rune Myre, Kim Andre Gangeskar, Anders Kvalheim, Rune Solvang, Vegard Agledal Rangsæter, Tor-Erik Tvendeseter Kupen. Innbyttarar: Thomas Rikstad, Chris Andre Silden, Espen Sandal, Stian Hagen Åmelfot, Magnus Nore og Steven Silden. 

Dei to laga skapte fint lite i første omgang. Sandane ingenting, om ein tel målsjansar. Skavøypoll hadde to sjansar, den eine blokkerte Håkon Schjølberg glimrande, og det andre var eit godt skotforsøk frå Rune Solvang som Simon Gimmestad lirka over tverrliggaren. Ein matchvinnarredning.

Begge lag var garantert innstilt på å endre dette kampbiletet i andre omgang, og noko overraskande var det Sandane som tok kommandoen frå start. 

Martin Svarstad netta frå kort hald to minutt ut i omgangen, og Sandane heldt fram med å presse Skavøypoll på defensiven. Jonas Denk gav heimelaget 2-0 og då Isak Gangeskar Solheim avslutta eit glimrande angrep med eit flott skot frå litt skrått hald, vart det ei vanskeleg oppgåve for Skavøypoll. 

Gjestene gjorde det dei er best til: gav alt i duellane, og hadde også fleire fine kombinasjonar der ballen gjekk hurtig i laget. Men mykje av spelet handlar om dei raske overgangane og dei lange og frigjerande pasningane, og STIL-forsvaret sto godt imot i dag. Det vart med ei rekke cornerar, som ein god Rune Solvang strødde høgt inn i feltet. Men denne dagen skulle ikkje SIL lukkast med noko når det kom til det siste og viktigste trekket. 

Sandane kan ta med seg at det er nødvendig å møte eit lag som SIL med musklar, og det gjorde laget betre i andre omgang. Kampen gjekk på eit våt grasmatte og det oppsto stadig situasjonar som fekk dommar Lien til å blåse frispark. 

-Dette viser at vi har moral i laget. Det var stigning i spelet vårt og utover i andre omgang sto vi betre og betre. At det vert ein forsvarskamp mot slutten, er naturleg slik kampen utvikla seg, sa STIL-trenar Øyvind Hervik i ein kommentar etter kampen. -No rettar vi auga mot laurdagens kamp mot Førde 2, seier Hervik.

Sjå vår livesending frå kampen.