Sara er ein av 3. divisjons beste angrepsspelarar
Forfatter: Svein Kristiansen
22. juni 2022
Fredag møter Sandane topprival Førde til vårsesongens siste og avgjerande kamp i Idrettsparken. Der blir det avgjort kven som vinn vårserien i 3. divisjon - Sandane eller Førde - og kven som vert toppskårar i avdelinga: Både Sara Lothe Rustøen og Inga Hoff (Førde) har skåra 12 mål så langt i sesongen.
Foto: Stig Høynes, Haugen Fotball
At Sara Lothe Rustøen dermed kan bli den mestskårande spelaren i 3. divisjon avd. 2 er imidlertid ikkje det viktigaste for Sandane sin måljeger nr 1.
-Det er gøy, men det er ikkje det eg tenker mest på når eg spelar kampane. Drivkrafta mi er nok lysta til å bli ein god spelar. Det ligg gjerne litt i genene, vi er tre søstre som alle spelar på laget. Eg veit ikkje om eg ville prøvd så hardt hvis eg ikkje trudde eg hadde anlegg for fotballen. I tillegg til genene er det lysta til å spele fotball og hard trening som er det viktigaste for meg, seier Sara (snart 18).
Ho har spela på A-laget sidan ho var 14 år, og med to søstre og dessutan pappa Jan Asle som trenar vert det naturleg nok mykje prat om fotball heime. -Viss eg føler eg manglar motivasjon ein dag er det alltid nokon av dei andre som har motivasjonen på plass. Med pappa Jan Asle i heimen nyttar det heller ikkje å lure seg unna treningar. Å ha ein trenarpappa gjev også nokre fordelar: Det gir mulighet for samtalar og drøftingar etter kampane. Dette gir meg ein bedre fotballforståelse, noko som eg ser som ein styrke for min del.
I tillegg til å hente motivasjon i familien, framhevar Sara miljøet i laget. -Vi er eit ungt lag som ser kvarandre og dette skaper stor tryggheit for spelarane. Eg trur samhaldet i laget er med på å gjere oss sterkare. Ho framhevar det også som viktig at Roger (Hjelle) no er komen inn på trenarsida. -Det er svært nyttig for meg å få innspel og tilbakemeldingar frå ein annan enn pappa, seier ho.
Sara fortel at ho alltid har trent mykje. Ho spelte handball fram til ho var 14 år, noko ho også har tatt opp igjen litt i det siste. I praksis vert det ei eller anna form for trening kvar dag i vekene, i tillegg til søndagstrening. -Det vert ikkje så mykje eigentrening med springing, eg føler eg får det dekka gjennom fotballtreningane, seier ho.
Sara (snart 18) skal til hausten opp i 3. klasse på idrettslina ved Firda vgs.
Kantspelaren ser fram til møtet mot Førde førstkomande fredag. Sandane leiar serien med to poeng framfor Førde. -Det vert spennande. Det er gøy at vi er to lag som kjempar om tetplassen og at vi er to spelarar som knivar om toppskårartittelen, seier Sara, som har slitt med ein skade i dei siste kampane. Ho har stått over dei siste treningane og det er uvisst om ho ankelen hennar kan halde ein heil kamp.
Vi ønsker Sara og lagvenninnene lykke til! Kampstart: fredag 24. juni kl. 19.30.
(Og viss du lurer på kven som er nr 3 på måljegerlista i 3. divisjon avdeling 2: Kristine Lothe Rustøen, STIL, med 8 mål).
